2017 西班牙自由行

2017 西班牙自由行

今次為本年第3次自由行(3-12/4/2017)，地點：西班牙(巴塞隆納/西維爾/馬德里)，除了旅行外，另一主要目的為幫大女兒從香港攞套婚紗俾佢Pre-Wedding Shooting，佢地則從英國出發，大家在巴塞隆納機場會合，展開8日7夜之旅。

我地巴塞入，馬德里走，適逄Qatar Airway 做 promote，機票每人連稅約HK$3400。住民宿7晚共約HK$6,300，兩程火車票每人約HK$580，膳食、手信、地鐵交通費及其他共約HK$5,500，總數約HK$20,000

Day 1 (3-4/4/2017) 香港 - 巴塞隆納 / 聖約瑟海灘 /蘭布拉斯大道

Day 2 (5/4/2017) 奎爾公園/巴特婁之家/米拉之家/聖家堂/魯營球場

Day 3 (6/4/2017) 巴塞隆納(Barcelona) à西維爾(Sevilla)

Day 4 (7/4/2017) 塞維亞王宮/塞維亞主教座堂/都市陽傘位/西班牙廣場/塞維亞鬥牛場/堤亞納橋

Day 5 (8/4/2017) 西維爾Sevilla /馬德里 Madird

Day 6 (9/4/2017) 馬德里球場/德波神殿/麗池公園

Day 7 (10/4/2017) 聖米格爾市場/太陽門廣場/主廣場/馬德里王宮

Day 8 (11-12/4/2017) 馬德里 – 香港

Day 1 (3-4/4/2017) 香港-巴塞隆納 / 聖約瑟海灘 / 蘭布拉斯大道 (Las Ramblas)

搭Qatar Airways QR817 (19:10-23:25 01:20-07:40) 從香港晚上出發，早上到達巴塞隆納機場與女兒會合，之後民宿主人駕車到機場接我們到民宿在Mercat de Sants附近 (收取歐元20車費)，都算合理，放下行李稍作休息開展行程，原定去聖家大教堂，點知去到話滿額不能現場購票入場，惟有綱上預訂明天票再去。之後去聖約瑟海灘 / 蘭布拉斯大道行行，然後回民宿附近Restaurante Japonés Koyo食日式放題晚餐，每人只15€。

飛機餐

巴賽機場

巴塞所住民宿

民宿面對市場，買嘢方便

聖約瑟海灘

蘭布拉斯大道

晚餐日式放題

Day 2 (5/4/2017) 奎爾公園 / 巴特婁之家 / 米拉之家 / 聖家堂 / 魯營球場

早上在民宿自己煮簡單早餐，先搭Metro to Vallcarca去奎爾公園 ，行罷搭Metro to Diagonal去巴特婁之家 / 米拉之家，下午步行往聖家堂入場參觀，參觀完聖家堂後搭Metro to camp nou , Tea 後到魯營球場睇波(巴塞Vs西維爾)，可惜下大雨只看半場就走啦因為Camp Nou 球場沒頂蓋不想下雨弄病，在沒有多大雨下迅速步行十多分鐘回民宿。

奎爾公園

聖家大教堂

米拉之家

巴特婁之家

巴塞魯營球場

睇完波回民宿自煮宵夜

Day3 (6/4/2017) 巴塞隆納 (Barcelona) à西維爾(Sevilla)

一早起身便要離開民宿步行去火車站BCN Sants搭火車Train Renfe(8:30-14:02)從巴塞隆納去西維爾火車站SEVILLA Santa Justa，需時5個半小時，車費46,65€，再從火車站步行約10分鐘到民宿近Calle Luis Montoto, 85, 41018 Sevilla，放下行李後到附近餐廳tea，在超市買餸回民宿煮晚餐。

西維爾住的民宿

西維爾所住民宿

在西維爾tea

自煮晚飯

Day 4 (7/4/2017) Royal Alcázar of Seville 塞維亞王宮/ Catedral de Sevilla 塞維亞主教座堂 /Metropol Parasol 都市陽傘位/Plaza de España 西班牙廣場/Plaza de toros de Sevilla 塞維亞鬥牛場/Puente de Triana

女兒今天影婚紗照，與她們到Royal Alcázar of Seville 塞維亞王宮後就分道揚鑣，佢有佢地影婚紗照，我有我地自由行，所有景點都步行可到，先往都市陽傘位Metropol Parasol ，再去西班牙最大教堂亦是世界第三大教堂塞維亞主教座堂Catedral de Sevilla 再到西班牙廣場Plaza de España 然後去塞維亞鬥牛場Plaza de toros de Sevilla ，但無入場因太殘忍，只係門口影張相就算啦，最後去堤亞納橋 Puente de Triana同女兒佢地會合。

民宿樓下餐廳早餐

塞維亞王宮

都市陽傘位

塞維亞主教座堂-西班牙最大教堂

西班牙廣場

堤亞納橋附近的餐廳

堤亞納橋

Day 5 (8/4/2017) 西維爾Sevilla /馬德里 Madird

早上步行往西維爾球場及附近商場行行，因為昨日買左2張metro票無用過，所以遊下地鐵原站Nervion入原站出，Sevilla Metro出入都要用票，(巴塞同馬德里出閘不需用票) 正午民宿Check out後到附近一間稍為高級嘅餐廳午膳，餐後往火車站搭火車Train Renfe(16:45-19:15)從西維爾去馬德里。到馬德里火車站搭的士去民宿Calle de Claudio Coello 109，車費6€另加行李費每件1 €，check in 後覺得間民宿又貴又差，放下行李後在附近超市買餸回民宿煮晚餐。

西維爾球場

西維爾地鐵

離開西維爾前到餐廳午餐

馬德里火車站

馬德理街上別緻回收桶

民宿住宅lift 好細

呢間民宿係3間中最貴一間，亦是最差一間，入內一陣異味，燈光昏暗，

屋內放滿屋主東西，連掛衫地方幾乎都無，唔建議Book佢。

Day 6 (9/4/2017) 馬德里球場/德波神殿Temple of Debod/麗池公園 Parque de El Retiro

今天女兒佢地安排左入皇馬球場影movie，所以一同打的去皇馬球場參觀後就各散東西，佢有佢地影movie，我有我地去其他地方玩，遊完皇馬球場後，搭Metro to Plaza de España先去德波神殿tempo of Debod，無需入場費，後回到西班牙廣場附近東方大酒店食Buffet，11.5 € 好食抵食，食化飽後搭Metro to Retiro 去麗池公園 Parque de El Retiro，公園好大好多人可能是星期日關係。然後搭 metro to Núñez de Balboa回民宿，在附近意大利餐廳食宵夜。

皇馬球場

有趣自拍照送進大puzzle

在皇馬球場開記者招待會

Metro 內有人獻唱

德波神殿

中西式Buffet好食抵食

麗池公園

麗池公園玻璃屋

意大利餐廳宵夜

Day 7 (10/4/2017) 太陽門廣場 Puerta del sol/主廣場 Plaza Mayor/聖米格爾市場Mercado de San Miguel/ 馬德里王宮Palacio Real de Madrid/阿穆德納聖母主教座堂Catedral de Santa María la Real de la Almudena

從民宿搭metro to Soi 到達太陽門廣場 Puerta del sol，廣場內有警察到處巡邏，幾好。見有人派傳單Buffet 9.5 €，在西班牙言語同menu全部都係西班牙文，好少英文，所以食buffet係唔錯選擇，雖然唔係太多野食但都OK 兼且價錢都算幾平。食飽後步行往主廣場 Plaza Mayor，再去聖米格爾市場Mercado de San Miguel，市場好多人售價較貴，再行去馬德里王宮Palacio Real de Madrid，全部景點都好近點與點步行十餘分鐘可到，離開皇宮準備回去，見隔離有間教堂走去睇睇，見佢打開門，所以入去參觀，入內一看點知，建築都好宏偉，呢間係阿穆德納聖母主教座堂Catedral de Santa María la Real de la Almudena，值得一到。

太陽門廣場

主廣場

2個白人突然攝入鏡頭要合照

聖米格爾市場

馬德里王宮

阿穆德納聖母主教座堂

Metro Opera 站口

晚餐

Day 8 (11-12/4/2017) 馬德里 – 香港

早上出外食個西班牙早餐，行左超市一陣買左D手信，然後執拾細軟，Call Uber去機場約16 € ，搭QR816 22:30-06:00/08:15-21:30 Doha轉機回港，攞行李時發覺個28吋新喼個轆爛左，即時去7-8輸送帶間位置填表claimed (寫明全新喼價HK$500) ，最終賠左HK$400 (原價的8折)，櫃位職員即時俾現金，但沒有任合單簽收說明賠償HK$400，曾問職員何以沒有文件說明賠償HK$400，回覆說：是的沒有，真奇怪。